Kitaba tanınmış Azərbaycan yazıçısı Yusif Səmədoğlunun məşhur “Qətl günü” romanı və müxtəlif illərdə qələmə aldığı hekayələri daxil edilmişdir. “Qətl günü” romanı müəllifin yaradıcılığının zirvəsi olmaqla yanaşı, müasir Azərbaycan nəsrinin ən sanballı nümunələrindən biridir. Yüksək humanist ideyalarla zəngin olan əsərdə zülmün, zorakılığın, insan ləyaqətini alçaldan və mənəviyyatı sarsıdan hər cür haqsızlığın kəskin tənqidi verilir. XX əsr Azərbaycan nəsrinin görkəmli nümayəndələrindən olan Yusif Səmədoğlunun “Soyuq daş”, “Fotofantaziya”, “İncə dərəsində yaz çağı”, “Bayatı-Şiraz”, “Astana” kimi hekayələri də kitaba daxil edilmişdir. Bu əsərlər dərin psixologizmi, ictimai məzmunu, özünəməxsus üslubu və bədii forma axtarışları ilə seçilir, Azərbaycan nəsrinin yeniləşmə prosesini əks etdirir.