Yəqin hər dəfə pişiklərdən söhbət düşəndə gözlərin qarşısında balaca, tüklü, yumaq kimi yığılmış, qayğısız halda divanda uzanan, ya da küçədə qarşılaşdığın zolaqlı varlıq canlanır. Lakin pişikkimilərin əksəriyyəti sənin tez-tez qarşılaşdığın, tumarlamaq istədiyin, yedirtdiyin həmin o balaca canlıdan fərqlənir. Böyük pişiklərin çoxu azman yırtıcılardır və onları tumarlamaq qətiyyən məsləhət deyil. Bu anadangəlmə ovçular öz çeviklikləri, güclü pəncələri və qənimətlərini ovlamaq məharətləri ilə seçilirlər – axı bu canlılar vəhşi təbiətdə yaşayırlar. Ən yaxşısı onlarla tərtib etdiyimiz kitab vasitəsilə tanış olmaqdır.