Əlinizdə tutduğunuz bu kitab tədqiqat aləminə girişdir. Bu tədqiqat əsəri praktiki vəsait olub, metodologiya elminin nəzəriyyəsini öyrənmək, müxtəlif sahələr – sosial, siyasi və iqtisadi elmlər, habelə biznes araşdırmaları üzrə müstəqil surətdə və komanda şəklində tədqiqat aparmaq istəyən şəxslər üçün nəzərdə tutulub. Kitabda tədqiqat prosesinin bütün mərhələləri barədə məlumatlar öz əksini tapır. Araşdırmanın başlıca məqsədi tədqiqat aparmaqda maraqlı olan şəxslərə bu proses barədə yığcam, lakin dolğun və müfəssəl məlumatlar, dəqiq istiqamət verməkdir.