Demişdim də, oradan-bura, buradan-ora qaçmaq mənim işimdir. Bu da yeni macəra. Fikirləşdim, bir halda ki məktəbi dəyişirəm, onda yaxşısını seçim. Amma sən saydığını say! Sistemin robotu məni çoxdan istədiyi yerə göndərmişdi. “Məktəb məktəbdir də”, – deyib məcburən razılaşdım. Bir bilsəniz, sonra nələr oldu! Məktəb məktəb yox, maraqlı hadisələrin yuvası çıxdı! Plovüstü dönər və Bizans xəzinələri bir kitabda necə rastlaşa bilər? İnsan niyə həyatda 0 (sıfır) olmaq istəsin? Və-ə-ə… Bir hadisəyə şahid olmaq üçün niyə özümü həlak etdim? Maraqlananları hekayəmə ortaq olmağa gözləyirəm. Hamınızı tezbazar xoş gördük!