Qarşınızda 5-6 yaşlı uşaqların məktəbəqədər ilkin riyazi məşğələləri üçün tərtib etdiyimizvəsait var. Bu dərslik uşaqlarınızda ilkin riyazi bilikləri formalaşdırmağa yardım edəcək. Kitabı uşaqların yaş və psixoloji səviyyəsinə uyğun şəkildə tərtib etməyə çalışmış, vəsait üzərində işləyərkən dünya təcrübəsindən yararlanmışıq.Uşaqların tam sərbəst, əylənərək, həvəslə işləməsi, öyrənməsi üçün müxtəlif üsullar tətbiq etmişik. Bu vəsaitin köməyi ilə uşaqlarınız hesablamağı, fərqləndirməyi, müqayisə etməyi, digər məntiqi məşğələləri yerinə yetirməyi öyrənəcək. Məktəbdə uğurlu olmaq üçün bu cür ilkin təməllərə hər zaman ehtiyac var. Qarşınızdakı dərslik övladlarınızın gələcək uğurları üçün dəyərli təminatdır.Sizə uşaqlarınıza, şagird və yetirmələrinizə ilkin riyazi bilikləri öyrətməkdə uğurlar arzu edirik. Uşaqlarınızın bizimlə ilkin riyazi bilikləri həvəslə öyrənəcəyinə əminik.Vəsaitimizi “İş dəftəri” konsepsiyası ilə təqdim edirik.