"Keçmişə pəncərə 1991" kitabının müəllifi Faiq Hüsiyev Azərbaycan Respublikasının əməkdar jurnalistidir. O, Azərbaycan Televiziya və Radio Verilişləri QSC-nin sədr müavini, Teleradio Akademiyasının rektoru , AZTV Analitik qrupun rəhbəri vəzifələrində çalışmışdır. Sosialist imperiyasının zəncirlərini qıra bilən millətimizin yaddaşının bir küncündə mürgüləyən azadlıq, cümhuriyyət məfkurələrini yenidən dilə gətirməyə başladığı 1991-ci il yeni müstəqillik epoxasının başlanğıcı idi. Bu kitab sanki o dövrün vətənpərvər gəncliyinin nümayəndəsi olan Faiq müəllimin milli şüurundan, qan yaddaşından, qəlbindən, ruhundan süzülərək yığılan, onu narahat edən siyasi-ictimai hadisələrin xronoloji toplusudur.