Siz astrofizika sahəsinə aid ən son kəşflər haqqında məlumat almaq istərdinizmi? Kainatın yaranmasını saniyəbəsaniyə izləmək necə? Yəqin Yerin mənşəyi, qara materiya, qravitasiya, qalaktikalararası uçuş və “Böyük partlayış” haqqında yeni məlumatlardan da imtina etməzsiniz. Elədirsə, bu kitab sizə yaxından kömək edəcək. Görəcəksiniz ki, bütün bunları bilmək üçün sizə heç bir xüsusi təhsil lazım deyil. Azacıq unudulmuş orta məktəb bilgiləri kifayətdir. Bircə şərtlə: öyrənməyə marağınız olsun. Astrofizika göründüyü qədər də mürəkkəb deyil. Üstəlik, müəllif kifayət qədər peşəkardır. O, müasir dövrün ən nüfuzlu, ən zəkalı, ən hazırcavab astrofizikidir. Mürəkkəb elmi nəzəriyyələr barədə aydın, maraqlı və yumorla danışmaq istedadına malikdir. Kitab bütün ailəniz üçün faydalı və cəlbedici olacaqdır. Elmi-texniki tərəqqidən geri qalmamaq üçün oxuyun.