BKM-də Gənclər Gününə həsr olunmuş rəsm sərgi keçirilib


04.02.2020 369

news-detail

Mədəniyyət Nazirliyi və Azərbaycan Dövlət Rəsm Qalereyasının təşkilatçılığı ilə fevralın 3-də Bakı Kitab Mərkəzində Gənclər gününə həsr olunmuş, gənc rəssamların sənət əsərlərindən ibarət “AXIN” adlı rəsm sərgisi keçirilib. Sərgidə 40-dan çox gənc rəssamın 60-a yaxın rəsm əsəri nümayiş olunub. Sərginin açılışında çıxış edən Azərbaycan Dövlət Rəsm Qalereyasının direktoru Qalib Qasımov, Xalq rəssamı Arif Hüseynov, Bakı Kitab Mərkəzinin direktoru Günel Rzayeva qeyd etmişlər ki, sərgi gənclərin istedad və bacarıqlarının üzə çıxarılması, mədəni tədbir və layihələrdə iştirakını dəstəkləmək məqsədi daşıyır. Daha sonra qonaqlar ekspozisiya ilə tanış olublar. Sonda sərgidə iştirak edən gənc rəssamlar Azərbaycan Dövlət Rəsm Qalereyası tərəfindən diplomlarla təltif olunub.