Bakı Kitab Mərkəzində dekorativ-tətbiqi sənət dərnəkləri işə başladı


11.11.2018 765

news-detail

Noyabrın 11-də Bakı Kitab Mərkəzində ibtidai və orta məktəb yaşlarında olan uşaqlar üçün tam ödənişsiz dekorativ-tətbiqi sənət dərnəkləri işə başladı. Dərnəklər Bakı Kitab Mərkəzi tərəfindən Qurama dərnəyi və Frensi’s (www.frensis.az) adında bloqer ilə birlikdə təşkil olunur.
 
Uşaqların yaradıcılıq qabiliyyətlərinin inkişafına kömək edəcək dərnəklər hər bazar günü təcrübəli müəllimlərin rəhbərliyi ilə keçirilir. Dərs zamanı uşaqlar dekorativ kitablar, oyuncaqlar, applikasiyalar, yaylıqlar, kilimlər, çərçivələr, fetrdən hazırlanmış müxtəlif məhsullar, şəkillər və s. öz əlləri ilə düzəldirlər.
 
Uşaqların düzəltdiyi məhsullar bu ilin dekabr ayında, Yeni İl öncəsi Bakı Kitab Mərkəzində təşkil ediləcək xeyriyyə yarmarkasında satışa çıxarılacaq. Satışdan əldə ediləcək gəlir isə xeyriyyə məqsədlərinə yönəldiləcək.