Fazil Güneyin “Qara Qan” tarixi roman-trilogiyasının təqdimatı keçirilib


24.02.2020 300

news-detail

Fevralın 24-də Bakı Kitab Mərkəzində yazıçı-publisist, Əməkdar jurnalist Fazil Güneyin “Qara qan” tarixi roman-trilogiyasının təqdimatı keçirilib. Xocalı soyqırımının 28-ci ildönümünə həsr olunmuş tədbirdə bu faciənin qurbanlarının xatirəsi bir dəqiqəlik sükutla yad edilib.


Bakı Kitab Mərkəzinin direktoru Günel Rzayeva, “İrşad” Dini Araşdırmalar Mərkəzinin direktoru Rafiq Əliyev, ədəbiyyatşünas Kənan Hacı, AMEA-nın Nəsimi adına Dilçilik İnstitutunun Müasir Azərbaycan dili şöbəsinin müdiri, professor İsmayıl Kazımov, general-leytenant Yaşar Aydəmirov və başqaları çıxışlarında romanın vətənpərvərlik, ana torpağa məhəbbət və yurd təəssübkeşliyi ruhunda yazıldığını qeyd ediblər.

 

Bütün iştirakçılara təşəkkürünü bildirən Fazil Güney deyib ki, bu əsəri yazmaqda məqsədi Qarabağ müharibəsini bədii ədəbiyyatın dili ilə daha geniş oxucu kütləsinə çatdırmaq olub.