Bakı Kitab Mərkəzində Mixail Qusmanın kitabının təqdimatı oldu


25.01.2020 111

news-detail

Yanvarın 25-də Bakı Kitab Mərkəzində Rusiyanın TASS informasiya agentliyinin baş direktorunun birinci müavini Mixail Qusmanın "Həyat formulu. Ata və ana haqqında kitab" adlı kitabının təqdimatı keçirildi.
 
Qonaqları salamlayan Bakı Kitab Mərkəzinin direktoru Günel Rzayeva Mixail Qusmanı 70 illik yubileyi münasibətilə təbrik etdi və qeyd etdi ki, bu kitab Azərbaycan və Rusiya arasında mədəni əlaqələrin gözəl nümunəsidir.
 
Kitab haqqında danışaraq, Mixail Qusman bu əsəri valideyinlərinə və doğma yurduna sədaqət, məhəbbət rəmzi adlandırdı.
 
Tədbirdə, həmçinin, İsrail siyasətçisi, jurnalist İosif Şaqal, «Вечерняя Москва» qəzetinin baş redaktoru Aleksandr Kupriyanov, Üzeyir Hacıbəyli adına Bakı Musiqi Akademiyasının rektoru Fərhad Bədəlbəyli, rəssam Vadim Hüseynov, tarixçi Yefim Pivovar, Azərbaycanın Rusiya Federasiyasındakı səfiri Polad Bülbüloğlu, xalq yazıçısı Anar, xalq artisti, rejissor, ictimai xadim Yuli Qusman, xalq rəssamı, heykəltəraş Fuad Salayev, şair Aleksandr Qorodnitski çıxış etmiş, müəllif və kitab haqqında xoş təəssuratları ilə bölüşmüşlər. Sonda Mixail Qusmanın kitabları qonaqlara hədiyyə olundu.
 
Rusiyanın "Terra" nəşriyyatında işıq üzü görən kitabda Mixail Qusmanın valideynləri, nəsli, doğma Bakıda keçirdiyi həyat illəri, ailəsi, dostları haqqında yazdığı xatirələr, həmçinin, Solomon Moiseeyviç və Lola Yuliyevnanın dostları və həmkarları, habelə mədəniyyət və elm xadimlərinin bu ailə haqqında düşüncələri yer almışdır. Kitaba Mixail Qusmanın ailə arxivindən, TASS və AZƏRTAC-ın arxivlərindən çoxsaylı foto və sənədlər daxildir.