BKM-də “YÜKSƏL” layihəsi çərçivəsində növbəti mühazirə keçirildi


22.01.2020 98

news-detail

Yanvarın 22-də Heydər Əliyev Fondunun və Bakı Kitab Mərkəzinin təşəbbüsü və BP şirkətinin maliyyə dəstəyi ilə reallaşdırılan “YÜKSƏL” layihəsi çərçivəsində satış mütəxəssisi Azad Qəhrəmanovun “İntellektual satış” mühazirəsi keçirilib.
 
Tədbirdə Azərbaycan Dövlət İqtisad Universitetinin biznes və menecment fakültəsinin tələbə və müəllimləri, habelə Təhsil Nazirliyinin “Bir” Tələbə-Könüllü Proqramının nümayəndələri iştirak edib.
 
Mühazirə zamanı A. Qəhrəmanov satışda uğur qazanmaq üçün lazım olan keyfiyyətlərdən, peşəkar satışdan, satış işinin intellektual tərəfindən danışıb. O, qeyd edib ki, hazırda şirkətlərin ən çox axtardıqları kadrlar məhz peşəkar satış mütəxəssisləridir. Mühazirəçi, həmçinin, peşəkar satıcının sahib olduğu bacarıqlara – ünsiyyət, təqdimat, etirazlarla iş, qiymət danışıqları, müştərilərlə münasibətlərin idarə olunmasına nəzər salıb. Eyni zamanda, iştirakçılar müxtəlif satış sahələri (B2B, pərakəndəçilik, ticari satış və s.) ilə tanış oldular. Mühazirə zamanı A. Qəhrəmanov, həmçinin, satış işində köməklik edə biləcək kitablar haqqında danışıb və çoxsaylı suallara cavab verib. Tədbir maraqlı diskussiya ilə davam edib. Sonda iştirakçılara A. Qəhrəmanov tərəfindən məsləhət görülmüş kitablar hədiyyə olunub.