Nigar Arpadarai: “Məqsədlər qoyun və onların gerçəkləməsi üçün hər gün nəsə eləyin”. “YÜKSƏL” layihəsi çərçivəsində növbəti maraqlı seminar keçirildi


05.12.2019 238

news-detail

Dekabrın 5-də Bakı Şəhər Halqasının Marketinq və Kommunikasıya şöbəsinin müdiri Nigar Arpadarai BKM-nin “YÜKSƏL” layihəsi çərçivəsində seminar keçirdi.
 
“PR və Kommunikasiya erası” mövzusunda seminarda Azərbaycan Dövlət İqtisad Universitetinin, ADA Universitetinin tələbələri və Təhsil Nazirliyinin “Bir” Tələbə-Könüllü Proqramının üzvləri iştirak etmişlər.
 
Seminarda PR və Marketinq mütəxəssisi N. Arpadarai bu sahədə təcrübəsi ilə bölüşdü, PR və marketinqin mahiyyətindən, sosial şəbəkələrin müasir dövrdə olan önəmindən danışdı, dünyanın nəhəng brendlərinin üzləşdiyi problemlərdən və onların həll yollarından nümunələr gətirdi.
 
N. Arpadarai insanın fərdi inkişafı üçün özünə məqsəd qoymağın və onun gerçəkləməsi üçün hər gün nəsə eləməyin vacibliyini söylədi. Seminar çox maraqlı diskussiya ilə bitdi. Mühazirədən sonra BKM adından iştirakçılara N.Arpadarai tərəfindən məsləhət görülmüş, gələcək seminarlarda müzakirə olunacaq mövzuya dair kitablar hədiyyə olundu.