Azərbaycan milli xalça muzeyinin 50 illiyinə həsr olunmuş kitabın təqdimatı oldu


22.11.2019 56

news-detail

Noyabrın 22-də Bakı Kitab Mərkəzində Milli Xalça Muzeyinin 50 illik yubileyinə həsr olunmuş “Azərbaycan Xalça Muzeyi” kitabının təqdimat mərasimi keçirildi. Layihənin rəhbəri, Azərbaycan Milli Xalça Muzeyinin direktoru Şirin Məlikova və kitabın müəllif heyəti bu fundamental nəşr haqqında ətraflı məlumat verdilər.

 

Tədbirdə çıxış edən Mədəniyyət naziri Əbülfəs Qarayev, Xalq yazıçısı Anar və başqaları unikal mədəniyyət ocağı olan Xalça Muzeyinin fəaliyyətini yüksək qiymətləndirdilər. Təqdimatda qonaqlar arasında maraqlı viktorina keçirildi. Suallara düzgün cavab verənlərə müxtəlif hədiyyələr təqdim olundu. Həmçinin, Azərbaycan Dövlət Akademik Musiqili Teatrının solisti, Əməkdar artist Nərgiz Kərimova və Azərbaycan Dövlət Akademik Opera və Balet Teatrının solisti Fərid Əliyevin ifalarında Üzeyir Hacıbəylinin “Arşın mal alan” operettasından ariyalar səsləndi.

 

Tədbirdə muzeyin nəşrləri, ənənəvi texnologiya şöbəsinin toxucularının əl işləri nümayiş olundu, muzeyin uşaq şöbəsinin əməkdaşları xovsuz xalça növü olan Zilinin toxunmasına dair ustad dərsləri keçdilər. Sonda qonaqların iştirakı ilə xalça kəsimi mərasimi keçirildi.