Fəal yaşlanmanı təşviq edən məlumatlandırma kampaniyasına start verildi


19.11.2019 50

news-detail

Noyabrın 19-da BMT-nin Əhali Fondu və Əmək və Əhalinin Sosial Müdafiəsi Nazirliyinin “Bütün yaşlar üçün cəmiyyətin qurulması: fəal yaşlanma yolu ilə Azərbaycanda yaşlıların rifahının təşviq edilməsi” birgə layihəsi çərçivəsində “Ahılların fəal iştirakını təşviq edən məlumatlandırma kampaniyası”na başlanması ilə əlaqədar tədbir keçirilib.
 
Bakı Kitab Mərkəzində keçirilən tədbir cəmiyyətdə fəal yaşlanma və ahılların fəal iştirakçılığı ideyasının təbliğinə həsr olunub.
 
Tədbirdə BMT-nin Əhali Fondunun, Əmək və Əhalinin Sosial Müdafiəsi Nazirliyinin və nazirliyin tabeliyindəki DOST Agentliyinin, Dövlət Statistika Komitəsinin, ASAN dövlət agentliyinin və “Üçüncü Bahar” Təşəbbüs Qrupunun nümayəndələri, eləcə də yaşı 65-dən yuxarı olan ahıl vətəndaşlar iştirak edib.
 
Tədbirdə BMT-nin Əhali Fondunun Azərbaycan nümayəndəliyinin rəhbəri Fərid Babayev, Əmək və Əhalinin Sosial Müdafiəsi Nazirliyinin Sosial təminat siyasəti şöbəsinin müdiri Babək Hüseynov, “Üçüncü Bahar” Təşəbbüs Qrupunun rəhbəri Nərmin Qəniyeva çıxış etmişlər.
 
Sonda asudə vaxtlarını bu mərkəzdə keçirən təqaüdçülərin əl işlərindən ibarət sərgiyə baxış keçirilib.