"YÜKSƏL" layihəsi çərçivəsində birinci mühazirə keçirildi


15.11.2019 45

news-detail

Noyabrın 15-də Bakı Kitab Mərkəzinin tələbələr və gənclər üçün yeni “YÜKSƏL” təhsil layihəsi çərçivəsində musiqişünas, pedaqoq, Əməkdar incəsənət xadimi Cahangir Səlimxanovun təqdimatında birinci mühazirə keçirildi.
 
“Kreativ qüvvəni daxildən yaxud kənardan idarə etmək mümkündürmü?” mövzusunda mühazirə yaradıcılıq və yaradıcı təfəkkürün inkişafı ilə bağlı məsələlərə həsr olunmuşdur. Bir çox gündəlik məsələnin həlli insandan yaradıcı təfəkkürü tələb edir. Yaradıcılığın inkişafı uğur qazanmaq istəyən insanlar üçün vacib amildir. Görüşdə C. Səlimxanov iştirakçılara yaradıcı təfəkkürünün inkişafı üçün müxtəlif müəlliflərin kitablarını oxumağı tövsiyə etdi.
 
Tədbirdə Üzeyir Hacıbəyli adına Bakı Musiqi Akademiyasının, Azərbaycan Milli Konservatoriyasının, Azərbaycan Dövlət Rəssamlıq Akademiyasının və Azərbaycan Dövlət Mədəniyyət və İncəsənət Universitetinin müəllim və tələbələri iştirak etdilər. Mühazirədən sonra iştirakçılara gələcək seminarlarda müzakirə üçün mövzuya dair kitablar hədiyyə olundu.