“LiFFt-2019” ədəbi festivalının qalibi, türk şairi Tuğrul Tanyol Azərbaycan oxucuları ilə görüşdü


03.10.2019 205

news-detail

Oktyabrın 3-də Bakı Kitab Mərkəzinin “Yazıçı ilə dialoq” layihəsinin qonağı Türkiyənin məşhur şairi Tuğrul Tanyol oldu. Türkiyənin Azərbaycandakı səfirliyinin mədəniyyət və təqdimat müşaviri İrfan Çiftçi Tuğrul Tanyolu təqdim edib, şairin yaradıcılığına nəzər saldı.
 
Daha sonra Tuğrul Tanyol klassik Türk və Azərbaycan ədəbiyyatından, öz ədəbi üslubundan, ədəbi baxışlarından danışdı və suallara cavab verdi, sonda müxtəlif illərdə yazılmış şerlərini oxudu. Tanyol 1953-cü ildə İstambulda doğulub. Şairin bu günə qədər on şeir kitabı dərc olunub. O, ədəbiyyat haqqında çoxsaylı esselərin müəllifi və xarici ədəbiyyat nümunələrinin tərcüməçisi kimi də tanınır. Qeyd edək ki, Bakıda keçirilmiş “LiFFt-2019” IV Avrasiya ədəbi festivallar festivalının bu ilki qalibi məhz Tuğrul Tanyol seçildi. Biz qalibi təbrik edir və ona gələcək yaradıcılıq uğurları arzulayırıq.