Bakı Kitab Mərkəzində İmadəddin Nəsimiyə həsr olunmuş rəsm müsabiqəsinin qalibləri mükafatlandırıldı


28.09.2019 290

news-detail

Sentyabrın 28-də Bakı Kitab Mərkəzində dahi Azərbaycanşairi və mütəfəkkiri İmadəddin Nəsiminin 650 illiyinə həsr olunmuş rəsm müsabiqəsinin yekun sərgisi və mükafatlandırma mərasimi keçirilib. 6-14 yaşuşaqlar arasında keçirilmiş müsabiqəyə 40 yaxın rəsm əsəri təqdim olunmuşdur. Qaliblər tanınmış rəssamlardan ibarət münsiflər heyəti tərəfindən müəyyənləşdirilmişdir.

Müsabiqənin nəticələrinə görə, 1-ci yerə Şahmərdanzadə Nərmin (15 yaş), 2-ci yerə Məmmədli Nurçin (12 yaş), 3-cü yerə Süleymanov Seymur (11 yaş) layıq görülmüşlər. Qaliblərə Bakı Kitab Mərkəzinin adından diplomlar və hədiyyələr təqdim olunmuşdur. Bundan əlavə,3 iştirakçı - Zəhra Ələkbərzadə (13 yaş),Feyziran Zaman (7 yaş) və Humay Sadıqzadə (7 yaş) Bakı Kitab Mərkəzinin xüsusi diplomları və hədiyyələri ilə mükafatlandırılmışlar.

"Nəsimi- 650 illik dəyər" sərgisinə qatılan bütün iştirakçılara BKM adından sertifikatlar verilmişdir. Xalq rəssamı Arif Hüseynov, əməkdar rəssam Rəşad Mehdiyev, şair Leyla Bəyim və başqaları qalibləri təbrik edib, onlara daha böyük uğurlar arzulamışlar. Pianoçu Vüsal Aydəmirov və müğənni Lalə Sultanlının ifaları tədbir iştirakçılarına xoşovqat bəxş edib. Biz də müsabiqənin qaliblərini təbrik edir, bütün iştirakçılara təşəkkürümüzü bildiririk!