Françeska Ciakomininin “7 day body sculpt” kitabının təqdimatı oldu


28.07.2019 414

news-detail

İyulun 28-də Bakı Kitab Mərkəzində tanınmış fitness-ekspert Françeska Ciakomininin “7 day body sculpt” kitabının təqdimat mərasimi keçirildi. Heydər Əliyev Fondunun Vitse Prezidenti Leyla Əliyevanın ön söz yazdığı kitabda F.Ciakomini düzgün qidalanma və unikal bədən modelləşdirmə metodunun sirrini açıqlayır. 
 
F. Ciacomini Romada anadan olub həmin şəhərdə böyümüşdür. Demək olar ki, bütün ömrü boyu idmanla fəal məşğul olmuşdur. Ancaq buna baxmayaraq, müəyyən bir müddət ərzində artıq çəki problemi ilə qarşılaşmışdır. Bu problemi aradan qaldırmaq üçün ona xüsusi bir metodun hazırlanması kömək etdi. Bu metod hər gün 45 dəqiqə ərzində pilateslə məşğul olmasına, həmçinin sadə karbohidratlar, qeyri-təbii, yüksək glisemik indeksli, emal olunmuş, şəkərli qidaların istifadəsindən tamamilə imtina etməsinə əsaslanır.
 
Tədbirdə Françeska həmin metod haqqında ətraflı danışdı, suallara cavab verdi və, eyni zamanda, enerjini qorumaq üçün dadlı və “Protein topları” adında sağlam bir desertin hazırlamasının qaydasını nümayiş etdirdi.