Mixail Bulqakovun həyat və yaradıcılığına həsr olunmuş axşam keçirildi


15.06.2019 186

news-detail

İyunun 15-də BKM-də dahi rus yazıçısı Mixail Bulqakova həsr olunmuş axşam keçirilib. Axşamda Ukraynalı alim filoloq, filologiya elmləri namizədi, 40-dan çox televerilişin müəllifi Qalina Annenkova-Kryukova "Mixail Bulqakov: tale və yaradıcılıq şifrələri" adlı maraqlı və dolğun mühazirə ilə çıxış edərək, Bulqakovun keşməkeşli taleyindən, həyat və yaradıcılığından danışıb.

 

Kiyevdə anadan olan, orada böyüyüb boya başa çatan, ölməz ədəbiyyat abidələri - “It ürəyi”, “Bəyaz qvardiya", dünya şöhrətli “Master və Marqarita” və s. romanların müəllifi M. Bulqakov XX əsrin ən böyük rus yazıçılarındandır.

 

“Master və Marqarita” M. Bulqakovun sonuncu həyat yoldaşı Yelena Bulqakovaya həsr etdiyi və üzərində on ildən artıq çalışdığı ən məşhur əsəridir. Roman ilk dəfə 1967-ci ildə, yazıçı ölümündən 27 il sonra nəşr olunmuşdur. Alimin 2 saat sürən mühazirəsi tamaşaçılar tərəfindən çox böyük maraqla qarşılanmışdır.