Xalq şairi Fikrət Qoca Bakı Kitab Mərkəzinin qonağı oldu


12.06.2019 437

news-detail

İyunun 12-də “Yazıçı ilə dialoq” layihəsi çərçivəsində BKM-də Azərbaycanın xalq şairi, əməkdar incəsənət xadimi Fikrət Qoca ilə görüş keçirilib.

Görüşün aparıcısı şair, yazıçı İlqar Fəhmi, xalq yazıçısı Anar, xalq şairi Nəriman Həsənzadə, filologiya elmləri doktoru Gülxani Pənah, yazıçı Rəşad Məcid şairin yaradıcılığından danışaraq qeyd etmişlər ki, onun poeziyasında vətən torpağına sonsuz məhəbbət, şəhidlərin əziz xatirəsinə böyük ehtiram, yurdumuzun əsrarəngiz təbiəti, tarixi şəxsiyyətlər, insan və zaman haqqında düşüncələri öz əksini tapıb.

Çıxış edənlər qeyd etmişlər ki, Fikrət Qoca poeziyası indi də sevilir və hər zaman oxuculara yol göstəricisi olur. Tədbirdə, həmçinin, gənc müəlliflər Nəsimi Faiqoğlu və İlkin Şükürbəylinin “Qətl edilmiş uşaqlar” kitabı iştirakçılara təqdim olunub. Fikrət Qocanın ön söz yazdığı kitab Qarabağ müharibəsi zamanı ermənilərin günahsız Azərbaycanlı uşaqlara qarşı törətdiyi cinayətlərdən, onların yaşadığı acınacaqlı taledən bəhs edir. Kitabın əhəmiyyətindən söz açan F.Qoca bu işdə əməyi olan hər kəsə minnətdarlıqlarını bildirib. Sonra tədbir iştirakçılarının suallarına cavab verib.