Unudulmaz şairin xatirəsi yad edildi


08.06.2019 74

news-detail

Bu gün Bakı Kitab Mərkəzində xalq şairi, dramaturq, publisist Vaqif Səmədoğlunun 80 illik yubileyinə həsr olunmuş gecə keçirilib. Əməkdar artistlər Rafiq Haşımov və Nərgiz Cəlilovanın aparıcılığı ilə keçən tədbirdə xalq yazıçıları Anar, Elmira Axundova, xalq şairi Ramiz Rövşən, xalq artisti Ramiz Həsənoğlu sevimli şair haqqında xatirələri ilə bölüşdülər.
 
Çıxış edənlər qeyd etdilər ki, ötən əsrin 60-cı illərində ədəbi mühitimizə yeni ab-hava gətirən görkəmli sənətkarlardan biri, mütəfəkkir şair Vaqif Səmədoğlu yarım əsrdən artıq sürən zaman içərisində xalqımızın söz xəzinəsinə qiymətsiz töhfələr bəxş edib. 
 
Xalq artistləri Fəxrəddin Manafov, Mehriban Zəki, qiraətçi Kamran Yunis, müğənnilər Arzu Rzayev, Zabitə Alıyeva, pianoçu Fəridə Hüseynova, xalq artistləri Salman Qəmbərov və Murad Hüseynovun ifalarında unudulmaz sənət əsərləri səslənib. Gecə boyu ekranda Vaqif Səmədoğlunun uşaqlıq və gənclik illərini əks etdirən foroşəkillər gecəyə nostalji ovqat qatıb.