Şair Cavid Şahbazbəyovun “Mən Azərbaycanlıyam” kitabının təqdimatı keçirilmişdir


17.01.2019 152

news-detail

Yanvarın 16-da Bakı Kitab Mərkəzində gənc şair Cavid Şahbazbəyovun “Mən Azərbaycanlıyam” adlı kitabının təqdimatı keçirilmişdir. 
 
Tədbiri açan BKM-nin direktoru G.Rzayeva qeyd etmişdir ki, yaşadığı ölkələrdən asılı olmayaraq, C. Şahbazbəyov Azərbaycana həmişə bağlı olmuş və onun Vətənə məhəbbəti yaradıcılığında öz əksini tapmışdır. Tədbirin aparıcısı Səid Məmmədov iştirakçılara Azərbaycan Demokratik Respublikasının yaranması ilə bağlı sənədlərdən parçalar oxumuşdur.
 
Tədbirdə Azərbaycan Dövlət Gənc Tamaşaçılar Teatrının aktyorlarının ifasında C. Şahbazbəyovun şeirləri səslənmişdir, Azərbaycan Dövlət Pantomima Teatrının aktyorları və Azərbaycan Dövlət Kukla Teatrının nəzdində fəaliyyət göstərən “Oyuq” teatr studiyasının gənc üzvləri tərəfindən kiçik səhnəciklər göstərilmişdir.
 
Sonda Cavid Şahbazbəyov tədbirin keçirilməsində əməyi olan hər kəsə təşəkkürünü bildirmiş və oxucular üçün kitabını imzalamışdır.