Azərbaycan Gözdən Əlillər Cəmiyyətinin üzvləri BKM-ni ziyarət etdilər


03.12.2018 742

news-detail

Bu gün, Beynəlxalq əlillər günündə, Azərbaycan Gözdən Əlillər Cəmiyyətinin bir qrup üzvləri Bakı Kitab Mərkəzini ziyarət etdilər. Görüş zamanı qonaqlar BKM-də zəif görmə qabiliyyəti olan insanlar üçün nəzərdə tutulmuş xüsusi guşədə qurulan avadanlıqla tanış oldular, Brayl üsulu ilə yazılan kitablara baxdılar, gələcəkdə Bakı Kitab Mərkəzi ilə əməkdaşlıq məsələlərini müzakirə etdilər.
 
Söhbət zamanı vurğulandı ki, Bakı Kitab Mərkəzində görmə qabiliyyəti zəif insanlar üçün qurulmuş avadanlıq Heydər Əliyev Fondunun gözdən əlil vətəndaşlara göstərilən qayğısının bariz nümunəsidir. Qonaqlar, eyni zamanda, Mərkəzin digər guşələri ilə tanış oldular. Bakı Kitab Mərkəzinin adından onlara Azərbaycan Yazıçılar Birliyinin layihəsi olan “Azərbaycan şeir sərvəti” adlı kompakt disk hədiyyə olundu.