“Regional İnkişaf” İctimai Birliyi və Bakı Kitab Mərkəzi bölgələrdə yeni layihəyə başlayıb. İlk tədbir Şabran şəhərində keçirilib


28.11.2018 721

news-detail

Noyabrın 28-də Azərbaycan Yazıçılar Birliyinin (AYB) sədri, Xalq yazıçısı Anar Şabran şəhərindəki bir sıra məktəblərinin şagirdləri ilə görüş keçirib. 
 
Heydər Əliyev Fondunun “Regional İnkişaf” İctimai Birliyi və Bakı Kitab Mərkəzinin “Könüllü oxu” adlanan birgə layihəsi çərçivəsində keçirilən görüş Şabran Mədəniyyət Mərkəzində təşkil olunub.
 
Görüşdə xalq yazıçısı Anar Azərbaycanın bölgələrində ədəbiyyata böyük marağın olduğunu qeyd edib və görüşün təşkilatçılarına minnətdarlığını bildirib. 
 
Şagirdlərin böyük marağına səbəb olan görüşdə yazıçının “Ağ qoç, qara qoç” romanı müzakirə olunub. Məktəblilər bu romana və xalq yazıçısının digər əsərlərinə aid müxtəlif suallar verirdilər. 
 
Xalq yazıçısı müəllifi olduğu kitabları məktəblilərə imzaladı.
 
Maraqlı sualların müəlliflərinə təşkilatçılar tərəfindən hədiyyələr təqdim olunub.
 
Qeyd edək ki, “Könüllü oxu” layihəsinin əsas məqsədi məktəblilər arasında mütaliə vərdişlərinin artırılması və sinifdən xaric oxunun səmərəli təşkilinə töhfə verməkdən ibarətdir.